Charles III ( Charles le Simple ) tiyir gazik ke Franca wali 898 is 922. Tis radimiawalkafe nazbeikye ke Louis II, ba 17/09/879 koe megrupeno xo ke Franca kobliyir aze ba 07/10/929 koe Péronne stolenon awalkeyer. Bak 898 ba awalkera ke Eudes, uskej pu Charles mwedaf konolesik ke Carolus prostelay zo dimziliiyir. Voxen bak 922, exurapa ke konak jiomikap ke gazaxo va battan vetrovgayar aze divuskejayar numen Robert I zolonaf okilik ke exusikeem is berikye ke Eudes zo ikalibuyur. Beka bantan arti tanoya tanda bak meldap koe Soissons gan ronkafa ervolia zo xonukesiyir, pune Charles III va uskej me rodimnariyir aze gan Herbert de Vermandois zo gralombeyer aze kali awalkera arti alubda zo stoleyer. Bak 911 koe Saint-Clair-sur-Epte, Charles III va Rollon okilik ke Normandaf olgalicusik biotason diliyir. |
© MMXXIII Rich X Search. We shall prevail. All rights reserved. Rich X Search